In kozman pou la rout

« Kabri la mord lo rosh, lo dan mouton la kasé »

5 zwin 2018, sanm Justin

In zistoir rant ti marmaye lékol. La métrès lékol i domann in pti fiy, pou kosa in n’ot lé an kolèr konmsa. Lo pti fiy i réponn : « moin la kass mon mine kréyon, pétète sa la rann aèl bandé » . Sa i vé dir souvan défoi lé difisil ésplik kon potman désèrtin moun é la pa lo viktime pou vréman i kriy pli for kan i ariv kékshoz. Astèr si ni arvien dsi nout kozman anlèr la sa i rapèl anou in kozman konm : « Z’inosan i pèye pou koupab ! ». Konbien foi sa l’ariv anou étan pti. Mi souvien kan moin téi par katéshis, bann mamèr – bann rolijyèz si zot i vé !- la mète anou pini, pars in marmaye la vol in zépi mayi. A partir d’zour-la, mi pé dir azot moin la pi port bann mamère dann mon kèr. Alé ! mi kite azot pou rofléshi la dsi é ni artrouv pli d’van. Sipétadyé !

Padport

Signaler un contenu

Inn modékri, inn ti lavi, inn komantèr ?

Bann modékri andann forom

5 zwin 2018, 16:05, sanm Michel M

Oté, kabri là nana bon dos. Oté Justin na d’otre zanimo la Réunion pou supporte lo poi la kouyoniste domoun. Kabri y manze salade...la pu salade a coze cyclone Fakir, donc lo kabri y manze zerbe mouillé dan lé o et lu manze zerbe sec dans lé ba. Astère lo kabri y manze lo roche et lo mouton y perde lo dent. My espère ke sé pa lo ban sans dents décriés par un certain ancien président. Mais n’empêche, y fo nou parle un peu des autres zanimo qui essayent fé konme lo korbeau ek lo renard d’france mais y fé ecraze à zot konme roquet la Réunion sous la roue loto, sous lo poid des augmentations des prix, notamment le carburant ou encore sous lo poid du mépris kan zot y réclame la justice. Alé, sans rancune Justin, ma bien apprécié out fable.