Étan lékol momon téi done anou lo kafé pars i paré sa i rofé lo kor san kass somèye. Antouléka zordi ankor mi rapèl lo gou kafé momon téi fé prépar pou nou kan nou téi sava lékol Sin-Dni épi nou téi rèss Boi-dnèf. Sa lété in gran karé fatigan mi pèye pa ou pou kroir.

In n-ote afèr mi sava dir azot kafé nou téi boir lété papa téi plante sa. In bon kafé Bourbon mi pé assir azot… si mi di azot kan l’èr l’arivé pou mwin viv dann in kaz amwin promyé plante mwin la planté té in pyé kafé in kamarad Si Paul l’amenn pou mwin.. promyé plante dann mon kèr..

Biensir koméla, la plipar d’tan, ni ashté kafé grann sirfass mé kan i ariv anou prépar nout kafé nou la planté ni trouv sa lé pli méyèr k’lézot kafé.antouléka sé sak n i kroi.

Alé ! Mi kite azot mazine toussala é ni retrouv pli dvan sipétadyé.

Justin