Médame, Méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami, mi panss mwin la fine anparl azot kozman-la mé mi panss zot ossi, zot koté, zot i konpran bien lo sanss mon parabol. La pa bézoin bak +24 pou konprande in n’afèr konmsa.

Kaka milé, la pa kékshoze bien famë, mé la pa pou sa i vé dir li ansèrv pa arien : in bénédiksyon pou guèpe kan zot i vé fé zot ni, kékshoz itil pou zoizo pars néna do koi fère ladan. I fé in takon zafèr ansanb.

Astèr si ni lèss par koté, lo milé, lo zoizo, é lo kaka milé, ni oi toute suite sa i vé dir néna touzour kékshoze pou fère avèk kékshoze soi dizan i ansèrv pa arien. Finalman prèss toute i pé rosiklé, é l’èr-la nou lé an plin dann l’ékonomi sirkilère, avan son tan.

Alé ! mi kite azot rofléshi la dsi é ni artrouv pli d’van. Sipétadyé.