Mi pans zot i koné kosa i lé kalbass.Pé sfèr zot la pankor manj ali .Pé s’fèr galman zot i koné pa si iansèrv son kok pou fé rézone bob. Antouléka , sak mi koné néna in bon pé varyété Kalbass é an parmi néna sak lé amèr-néna galman kalbass la gal, mé sète-la lé bien bone a manzé. La pa lo ka d’lo varyété amèr.. Si ou i plant lo grin lo varyété amèr, sir é sèrtin, ou i sava gingn légime amèr.

An sosyété sa i vé dir sinploman défo in zanfan li la trap sa avèk son famiy mé solman sa la pa touzour vré pars i ariv lo zanfan sé l’kontrèr d’lo paran :bann paran bien onète i pé gingn in zanfan mové fon é vèrsi-vèrsa vèrsa dan lo vis konm i di. Final de kont la poin in loi dann in n’afèr konmsa.

Lé normal ! Napoin vréman l’érédité ladan, épi sé lédikasyon ki fé lo kalité konm lo bann défo shé in marmaye la plipar d’tan. Alé ! Mi kite azot rofléshi la dsi é ni artrouv pli d’van. Sipétadyé !