Médame zé Méssyé, la sossyété, koze èk mwin sé koze avèk in kouyon, mé sé o pyé d’lo mir k’i oi lo masson.

Mézami, konm mwin la fine dir azot bande provèrb sa i fé pass la sazèss popilère zénérassion an zénérassion, mé zot lé si tèlman saz ké zot i vienbou di kéksshoze épi son kontrère an mèm tan.

I pé dir ; « tèl papa, tèl zanfan » é sa sé in provèrb gadyanb. Mé i pé di ossi : « Papa pirate, zanfan gaspiyèr » é sète foi-issi lé moin gadyanb.

Astèr mi kite azot rofléshi la dsi mé mi invite azot pa kroire lé shoz san pour san d’in manyèr otomatik avan bien étidyé lo ka konkré.

Alé ! Mi kite azot tèr-la é mi artrouv azot pli d’van ? Sipétadyé.