Biensir la pa in mo nouvo, sé mèm in mo ansien parét’il son lorizine lé indien mé mwin la pa tro sir pars mi koné pa tro lorizine bann mo rényoné. Mi pouré alé rodé, domann mon bann kamarade, mé mi oi pa mwin apré fé in travaye kondan é konmsa.

Kaloubadia dann tant kouvèrt, dann tan la guèr, sa té raport marshé noir kissoi mayi pou manzé, kissoi shovrète la rivyèr, kissoi palmiss in pé té i sar vol-trapé dann bitassion. Antouléka zot i konpran amwin sa s éin n’afèr in pé loush mé sé pou sa k’i fo konsèrv mo-la pars sé in mo noute lang é i fé majine a nou bonpé zafèr.

Alé ! Mi kite azot roflèshir la dsi é ni reytrouv pli dvan, sipétadyé.

Justin