Médame zé Méssyé, la sossyété koze èk mwin sé koze èk in kouyon, mé sé o pyé d’lo mir k’i oi lo masson.

Kozman-la sa in proverb japoné, é sa i fé panss amwin bande problème in pé absirde mwin téi fé in sèrtène épok : l’avé in bato dann lo, é la otèr d’lo téi goumante sinkante santimète par èr d’tan. La késtyon lété : « A kèl otère la kok bato dolo v’arivé apré troizère ? ». Absurde, konm zot i konpran mé téi trape inn-dé téi panss l’avé bézoin fé in kalkil pou konète lo réponss !

Mé kossa i vé dir kozman-la ? Kossa sa i vé dir égzaktoman ? Kossa i lé son sanss figuiré-sanss prop ni koné – Mi oi in réponss : i pé di larzan i apèl larzan é opliss lo kantité larzan i goumante, opliss sak néna pliss i gingn pliss ankor. Mé par l’fète mi koné pa si sé sa oziss sansa si i v é dire in n’ote afèr.

An atandan, mi invite azot pou rofléshi ladsi é ni rotrouv pli d’van. Sipétadyé.