Mésyé, médam, la sosyété, koz avèk moin sé koz avèk in kouyon-sé o pyé d’lo mir k’i oi lo mason. Moin l’apré pans in n’afèr dann tan moin lété marmaye kan la plui téi tonm ébin téi tonm pa pou zoué. Défoi téi tonm ui zour d’ran. Mi souvien dann tan-la mon papa téi pèye pa son zoibalyé vi k’zot téi gingn pa travaye mé li téi lèss azot pran in pyé manyok loin-an-loin. Mé in pé té i abiz, é bann zoinalyé tout propriyétèr téi i réini lo soir pou zoué kart, sansa domino é téi manz manyok o siro. Mé sa téi fé pa l’afèr mon papa é kan la plui l’avé fini o bout in bon koup de tan, dann désèrtin karo, lo boi té debout mé lo manyok té pi la é pa arienk in foi moin la antann mon papa apré dispite apré Aïk, Polin, Téshèr d’otankor pou dir azot a popré sak i suiv : kan i done aou in pyé ou i pran lo karo é sa sé lo mèm zafèr ké lo kozman moin la mark an-o la. Alé ! Mi domann azot pou rofléshi in pé la ds i é ni artrouv pli d’van. Sipétadyé !