In kozman pou la route

« Kan i koz avèk sossiss, boukané i rèst pandiyé »

30 désanm 2023, sanm Justin

Médam zé mésséyé la sossyété, koz èk mwin sé koz èk in kouyon mé sé o pyé d’lo mir k’i oi lo masson.

Mézami mi koné pa zot mé mwin sa l’ariv amwin pli d’in kou koz konmsa avèk demoune, an partikilyè avèk bann protézé d’la diréction téi san azot oblijé réponde in késtyon mwin l’avé pa poz azot mé zot té i mète zot grin d’sèl ladan kante mèm.

Boukané lé pandiyé, sossiss ossi lé pandiyé mé boukané sé boukané, é sossiss sé sossis. Pyèr sé Pyèr é Zak sé Zak. Donk si mi koz avèk Zak mi koz pa èk Pyèr. Shakinn i pran pou son grade dann in kozman é si mi koz pa èk ou, mi koz pa avèk ou, in poin sé tou.

Alé ! mi kite azot rofléshi la dsi é ni rotrouv pli d’van, sipétadyé.

Justin

Padport

Signaler un contenu

Inn modékri, inn ti lavi, inn komantèr ?