Oté

« Kan i koz èk sosis boukané i rèss pandiyé »

In kozman pou la rout

Justin / 31 mars 2020

JPEG - 43.6 ko

Mésyé, Médam, La sosyété, koz èk moin sé koz èk in kouyon mé sé o pyé d’lo mir k’i oi bien lo mason. Mé zami néna d’moun i yèm shamélé. Zot néna toultan zot mo pou mète dann in konvèrsasyon I rogard pa zot.-dizon zot kiyèr sal pou mète dann manzé I kui pa pou zot. Mi rapèl bann paran lontan té i yèm pa marmaye i fé sa mé koméla la bien shanjé pars i diré bann paran lé kontan kan bann zanfan i shamèl, mé domaz mi pans sa lété in bon lésonn viv an sosyété. Sak lé fé, lé fé, é fé lèv lo mor i ansèrv pa arien mé malérèzman néna in zour i apèl domin é ou i pé tonm san k’ou i atann dsi in moun i romète aou out plas bien konm k’I fo. Alé ! Mi kite azot rofléshi in pé é ni rotrouv pli d’an. Sipétadyé.