Lakey lo sit > Chroniques > Oté
« Kan i koz èk sossis, boukané i rèss pandiyé »
In kozman pou la route
mardi 21 novanm 2023, sanm
Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.
Mézami mi koné pa si zot la fine antann souvan in kozman konmsa. Si zot la pa antann, zot la pa antann mé si zot la antann zot néna la shanss. Sa i vé dir, dann zot lantouraz zot la kotoiye in létré dann la lang noute nassion rényoné...
Sa i vé dir galman si la gingn dir azot sa, sa i vé dir li néna dsi son dik dir in rézèrvoir la sazèss rényoné. Donk i fo ramassé, i fo, pa lèss pèrde, pa lèss gaté. Sé konmsa mi konpran la vi, sé konm sa mi konpran noute rol passèr d’mémoir. Zot i panss pa sa sé in zatou dann la vi in pèp ? Zot i panss pa sa sé in vré jarlor sa pou nou ?
Alé ! Mi kite azot rofléshi la dsi é ni rotrouv pli d’van, sipétadyé.
Justin
