Oté

« Kan i mète la min dan la pate i rèss toultan késhoz akroshé avèk lo doi »

In kozman pou la rout

Justin / 16 out 2018

JPEG - 43.6 ko

Tèl fason, sansa in n’ot manyèr, dann tout péi épi dann tout sosyété i égzis bann kozman pou di i fé pa arien pou arien. Sète moin la mark an-lo la sa in provèrb bann fransé é li di bien sak li vé dir. Moin la déza anparl in kozman La Rényon téi di konmsa : « Sak i bate di bèr i lish son doi ! »-kozman moin la antann dann in boutik Boid’nèf, in bann zouar kart té apré zoué volèr tanpir k’i gagn. Donk sé sak toulmoun i kroi mé ni pé domann anou si lé vré pars néna kant mèm demoun i fé dé shoz a pèrt é z’ot pèrdi lé prévi dopi avann komansé. Bann moun lé dévoué l’intéré zénéral, dabitid lé konmsa pars sak zot i fé la pa in biznèss mé in vokasyon. Alé ! Mi lèss azot rofléshi la dsi é ni artrouv pli d’van. Sipétadyé !