Mé zami, moin lé sir konm moin zot la fine antann in bon kantité d’foi demoun apré di « mon pil lé plate ». Antansyon i koz pa dsi pil plate tèrla ! Zot i koné so malédiksyon in pé la invant pou anfons ankor in pé plis nout péi épi son bann moun dann malizé si tèlman k’in zour in komité téodil la désid artir sa dann komèrs é la sitèlman bien artiré ké mi kontinyé oir sa partou. Kisoi dann bann ti boutik ! Kisoi dann posh aki désètin ! Kisoi dann bann sak madam ! Mi koné mèm bann jenn i apèl sa z’ot aÏfone par la form mé pa par sak néna dodan… Donk désèrtin olèrk di « moin lé patrak », « moin lé vané », « moin lé dann bout roulo » i profèr di : « mon pil lé plate ». Sa i pé di dann in bonpé kalité sityasion, mèm dann bann sityasion lo piblik shatyé nout zournal i yèmré pa k’i di. Mé koméla, néna in bonpé tizane sinp pou arsharj nout pil é tizane néna isi mèm-i parétré i pé fé mirak èk sa. Alé ! Mi kite azot pou rofléshi la dsi é ni artrouv pli d’van. Sipétadyé.