Oté

« Kan in pyé d’boi i tonm toulmoun i antann, kan la foré i pouss, pèrsone i antan pa »

In kozman pou la rout

Justin / 17 octob 2020

JPEG - 43.6 ko

Dann in bonpé lang, in bonpé kiltir, néna kozman konmsa : sinploman pou di kan i ariv in laksidan demoun i koné, mé zot i tienbo pa kont la vi normal alé oir la vi normal lé pli inportan k’in l’aksidan. Aksidan ? Sé kékshoz i kass lo train normal la vi. Mi rapèl mèm in foi, kélkin té apré di, i fé pliss in ka avèk in train I arivi an rotar plito k’in kantité lo train i ariv a l’èr. Aster ni pé dir sé in kékshoz normal dann in sivilizasyon I tienbo kont an promyé in n’afèr k’I doi pa arivé é k’I ariv kant mèm. Léspri negatif ? Pé s’fèr mé an atandan mi kite azot rofléshi la dsi é ni artrouv pli d’van. Sipétadyé.