Olivier Bancoult la panss li téi dové vnir issi pou romèrssyé bann rényoné. Si li téi gingn pa vnir nou nora konpri mé li lé vni é li lé la asloir avèk nou épi bann zami rényoné la koz lo pèp shagossien. Romarke nou nor akonpro si li téi gingn pa vnir mé li la vni é pou nou sa sé in jèss inportan. Mézami mi di sa an toute amityé-pars lamoityé tissé dan la lute é la solidarité sé kékshoz opliss i sava oplisss va ranforssé.

Oui la solidarité ranté rényoné é shagossien sé kékshoz va duré ! Oui lamityé rante lo pèp rényoné élo pèmp shagossien va duré ! la tèr nora l’tan tourné é rotourné otour d’solèye ké noute solidarité é noute lamityé va kontinyé a ranforssé…

Mézami ni sorte parl i pè k’i sorte vinkèr apré in gran konba, mé néna kékshoz k’i fé mal anou shagossien konm rényoné sé la soufranss lo pèp palèstinien.Ni koné sak i spass laba é ni koné toute la soufranss lo pèp paklèstinien.zot ossi in zour zor va sorte vinkèr dann zot konba. In zour zot ossi nora lo droi viv dsi la tèr zot zansète –zot ossi va sorte vinkèr dann zot konba.

Viv lo pèp shagossien ! viv lo pèp palestinien ! viv lo pèp rényponé. A bon antandèr salu ! (La fin)