Mwin lé sirésèrtin bonpé rantre zot lé riskab dir : pou kossa li débarke La Rényon alé oir li doizète si tèlman pri par laktyalité laba dann l’il Moriss. Koman sa i fé ké : lo shèf lo mouvman shagossien olèrk rèss laba Moris pou réponn kan lo gouvèrnman v’apèl ali. Osinonsa pou réponn prézan si i domann apré zot kansréti pou prépar lo rotour dann la tèr promiz... Zot paradi d’apré bann zansien lété dann lobligassion kitte zot shé zot.

La réponss lé sinp é èl i sorte dan la boush lo shèf bann shagossien : li la di li-mèm si li vien La Rényon sé pou romèrssyé bann rényoné la ède ali dann son bann lite pou lo droi d’rotour dann lo péi natal… Biensir ni pouré anparl an détaye la solidarité rante shagossien épi rényoné- ni pouré dir koman avèk noute pti trépé d’moiyin, nou bann mouvman solidèr lo pèp shagossien ni ariv dopi dézané Koman avèk lo pti trépé d’moiyin bann mouvman pro shagossien néna, nou l’ariv kan téi falé aporte azot lo konkour zot l’avé bézwin.