Mézami, si ni artourn in pé dann tan Bayalina, ni apèrssoi marmaye téi manz in vré ropa par zour — pandan lékol —, é lo soir téi manz ravaz. Mon bann ti kamarade téi rakonte amwin kan zot i ariv zot kaz apré katrèr, zot paradi téi pass dan manzé koshon avèk son provizyon d’patate, konflor, grin jak épi toute sak in jenn kréol dann tan téi trouv pou ranpli son boujaron.

Téi apèl sa ossi konblaz pars sa i done aou linpréssion ou l’apré ranpli oute vante : assé pou gingn somèye, assé galman pou léstoma arète kriyé. Mé zot téi rokoné l’avé poin tro la fors é atann la kantine onzèr lété kante mèm in sipliss — mèm si téi anvoe in voiyaz gouyav, zanbrozade, osinonsa dann shomin lékol. Inn..

Alé ! Alon rofléshi la dsi si ni gingn ankor pars noute passé sa lété konmsa… Kan noute vante téi pass lo tan pou roprosh anou. A domin, sipétadyé.

Justin