Médam zé Mésyé, la sosyété koz èk moin sé koz èk in kouyon, mé sé o pyé d’lo mir k’i oi lo bon mason. Mézami, dan la vi, néna sak lé for é néna sak lé fèb. Kan in moun lé fèb, lé zot i abuz. Kan in moun lé for, tout i krin. A moins ke... Mi souvien mon papa in zour la rakont amoin listoir in abizèr dsu : toultan li an profite dsu lé zot, ziska k’in zour in bann ti-marmaye pli fèb la fé in konplo épi l’atak ali tout an mèm tan. Li la gingn inn plushé é so kou isi li la vni lo pli fèb é lé zot la marsh dsi li. Sa I fé pans amoin in kozman kréol té I di konmsa : for an for, I trouv son mètr é sa sé in n’afèr I fo pa obliyé. Alé ! Mi kite azot rofléshi la dsi é ni artrouv pli d’van. Sipétadyé.