Médame zé méssyé, la sosyété, koze èk mwin sé koze èk in kouyon mé sé o pyé d’lo mir k’i oi lo masson.

Mézami bande Haïtien i di galman : « Kan la barbe oute kamarade i bril, komanss déza par mouye la vote ». Sans proppe ni koné bien kossa sa i vé dir, mé ni pé sèye konprann son sanss figuiré, in règl ni pé tir in lavantaz pou amenn la vi konm k’i fo san tro prande lo risk. Ni konpran bien si do loin konm do pré ou lé mayé dann in n’afèr pa klère sansa wi pé zète mayé, i fo wi pran oute prékossion.

Kossa sa i rapèl amoin ? Laktyalité zidisytère-politik bien sir ké ou néna rézon sansa ké ou néna tor. Sé konmsa ké kan la loi sansa bande fyèr-a-bra téi komanns trakass oute kamarade, lo konsèye lété k’i fo méfyé aou – Pli d’in foi nou téi antann :« mète aou dsi oute garde ». In konsèye sazèsse, bien antandi, pa pou koméla mé sirman pou l’tan d’avan.

Alé ! ni artrouv pli d’van. Sipétadyé.