In kozman pou la rout

« Kan la mèr lé bèl, tout kapitène lé bon kapitène ! »

26 avril 2017, sanm Justin

Sa sé in kozman lé bien vré pars lé shoz lé konmsa. Si la mèr lé bèl, la pa bézoin in kapitène éspérimanté pou amenn bato, mé kan la mèr lé an kabos é bafon, l’èrla lé shoz la pi parèy. Dizon sa lé konm dan la vi : si na poin difikilté toulmoun i démèrd, shakinn i san li lé bon vèy pa koman. Mé si tangaz la vi la pété, si nana difikilté la vi épi si nana difikilté sosyal, koman ou i sar débarbote aou ladan ? Sirtou si ou lé abityé amenn la vi fasil : si l’arzan i mank pa ou, si ou lé bien antouré, si la maladi i évite aou sansa si ou i évite aèl, « péna problèm » konm bann morisien i di. La pa bézoin ète in bon kapitène dann in ka konmsa, i sifi ou lèss kouran amenn aou l’androi ou i doi alé san danzé. Dann ka kontrèr konm moin la di, la pa la mèm shoz. Alé ! Mi lèss azot kass z’ot tète la dsi é ni artrouv pli d’van sipétadyé.

Padport

Signaler un contenu

Inn modékri, inn ti lavi, inn komantèr ?


Témoignages - 80e année


+ Lus