Ala in kozman i di lo pli vré, sirtou dann in tan bann bon métyé té métyé manyèl. Kan ou i fé in métyé manyèl ou i gingn diryon dan la min, out po i vien dir konm lo kuir . La min dir, ala konm lo sinbol in bon travayèr.donk, oplis ou na la min dir, oplis ou i travay é oplis ou i gingn la monaye. Sa lé près vré pars sak nana in bon kapital, li la pa bozoin éskint ali pou li gingn lo pikayon li vé gingné, épi ranpli son bouzaron konm k’i fo. Kosa zot i an pans ? Arien ditou ? Fé travay z’ot koko, fé bouy z’ot matyèr griz, zot va oir ké, rant-rant, tazantan nou lé dakor rantre nou.