Oté

Kan la polis i vé artonm gard-shanpète

Justin / 24 zanvié 2020

JPEG - 43.6 ko

Mé zami, mi pans zot i koné kozman-la é dopi in bon koup de tan. Kosa sa i vé dir ozis ? I vé dir sinploman olèrk avansé néna in pé i yèm arkilé. Sa i di pa zot arien sa ? Zot i oi pa apopré kisa mi vé anparl moin-la ?

Mé vé anparl mésyé Didier : zordi li lé prézidan in réjyon, é i parétré astèr li vé vnir mèr in komine-in gran komine asiréman mé moins inportan k’in réjyon kisoi par lo bann ko npétan, kisoi par lo bidzé, kisoi ankor par lo réyoneman posib dsi nout réjyon l’oséan indien é pé s’fèr ankor pli loin.

In pé i di, si tèlman li lé anmayé dann bann problèm ala ké li vé roshèrch i n pé l’anonima. An touléka mèr Sin-dni sré in drol l’anonima.. Sa sé pou farsé, mé dann la réalité mi kozré pa konmsa… Mi diré ala in moun la fine patoj konm poul dann bidzé la komine Tampon, li la fine mète bidzé la Réjyon dann danzé, ala pa k éli rode fé lo mèm zafèr avèk l komine Sin-dni. Pov moun Sin-dni antouléka si in moun konmsa i gingn : in bidzé a trou i atann azot.

Mé néna in kozman i di konmsa : « Moun vilin néna ankor, moun kouyon na pi ! ». Alon éspèr pou in kou kozman-la va di la vérité. Pars zot i koné, néna d’moun larzan i atir azot ko nm la v yann i atir moush b lé é kan zot i majine i n kou kosa zot i pé fèr avèk sa san konté bann pti profitaz, zot épi zot lantouraz i san pi zot kor.

An touléka, si ni agard son l’intansyon, ni pé dir sé in rokonésans son l’inkonpétans-in l’avé d’féblèss. Biensir sansa pou kosa li yèmré sort la polis pou vni gard shanpète ?