Oté

« Kan la rivyèr i koul bor an bor, li fé pa dézord »

In kozman pou la rout

Justin / 14 mé 2020

JPEG - 43.6 ko

Mésyé, Médam, La sosyété, koz èk moin sé koz èk in kouyon mé sé o pyé d’lo mir k’i oi lo bon mason. Alon kontinyé vizite l’afrik an proverb : zordi ni sava Sénégal, in péi l’Afrik dé l’ouès, in pèp-in lang i apèl Toukoulèr. Lo flèv i pass dan l’androi i apèl Sénégal é tazantan li lé plin d’lo, tazantan lo nivo d’lo lé pli ba. Kan lé plin li koul san fé dézord, kan li lé domi-plin a s’ki paré i antan ali mèm si ou lé loin. Tousa pou di kosa ? Dann shagrin néné dé kalité lo pti avèk lo gro. Avèk lo pti ou i pé fé bonpé dézord : pléré, kriyé, rash out shové. Mé avèk lo gro ou i gingn pi pléré, ou I gingn pi kriyé, ou lé konm fijé dann out doulèr : in gro doulèr lé parl pa, in gro doulèr lé miète, in gro doulèr i dézord pa. An touléka sé sak demoun i di é pa arienk dan l’afrik lé konmsa. ; Alé ! Mi kite azot rofléshi la dsi é ni artrouv pli d’van. Sipétadyé.