Mésyé, Médam, La sosyété koz èk moin sé koz èk in kouyon, mé sé o pyé d’lo mir k’i oi lo bon mason. Konm zot i oi ni kontinyé fé lo tour l’afrik an provèrb. Sète lé marké an-o la i sort Zaîre, lo l’ansien kongo belj, dann péi mongo. Néna bonpé d’moun dann l’afrik santral i apartien lo pèp mongo épi i koz in lang bantou. Astèr, nout provèrb ! kosa li vé dir ? Li vé dir si ou i bouz pa, si ou i travaye pa, si ou i sava pa rode ou mèm out soso, ou lé riskab pa manz a out fain. Sa lé vré dann l’afrik, épi in pé partou dsi la tèr. In parésé i manz pa suivan sa fain. Pé s’fèr lé vré san pour san, sansa a domi. Moin pèrsonèl mi baz pa dsi in kozman konmsa pars la vi i amontr amoin souvan dé foi, la pa lo pli travayèr k’i manz lo myé.. Kosa zot i pans zot ? Mi kite azot rofléshi la dsi é ni artrouv pli d’van. Sipétadyé.