Dann listoir in péi nana dmoun lé pli z’ou moin inportan : nana in pë la kontant azot viv zot vi trankil épi zot la parti. Pétèt zot la amèn in pti zafèr, solman pèrsone i ansouvien pa. Nana in pë i fé konm la moush dann fab La Fontaine, i fé pa arien spandan i kroi zot i fé tout. Épi nana sak i fé zafèr i port a konsékans.

Si nou mazine listoir la Rénion dëpi sinkant an konmsa, nana demoun nou mank arpa site zot nom. Mi kroi pa i gingn anparl sa san di lo nom Paul Vergès. Ni vë, ni vë pa, se moun la lé inportan pou nout péi.
Alor, kan mi antan sak déssèrtin l’apré di dépi li la poz son kandidatir pou zéléksion, dann mon kèr mi di së bann moun i gingn arpa diminié son mérit. Kont pa dsï zot non plï pou konprann kosa li la fé pou mèt lë péi anlèr.

Nana in provèrb i rovien dann mon tèt akoz li armèt bien déssètin la plas i mérit azot. Provèrb la i di : « kan le saj i amontr lë sièl, bann z’inbésil i rogard lë doi ! ». Sa lé bien vré.

Justin