Oté

Kan li la sort Tampon la kèss téi fé pityé vouzote

Justin / 11 désanm 2019

JPEG - 43.6 ko

I paré kan ou lé jenn ou lé rapid vèye pa : pli vif pli trète. Kan ou lé pli vyé, i paré ou i roul dyézèl. Kosa ? Zot i domann amoin pou kosa mi ékri désèrtènn shoz konmsa. Na poinn mizèr, na poinn mirk, na poinn sirpriz ladan ! Sinploman konm ilistrasyon par raport kozman moin la mark an-o la.

Mé pétète zot i vé domann amoi n si mon kozman lé valab dann tout zafèr, si lé valab dann la politik par égzanp. Mi pa ns ké oui pars zot i souvien Paul Vergès, kan li téi gouvèrn la Réjyon li té déjà rézonab é li téi pran son tan pou fé dé shoz é ni pé dir li téi fé dé shoz bien. Fransh vérité li la fé in takon zafèr isi La Rényon touzour dann sans so n projé, touzour pou amenn anou dann sans lo progré.

Mé oila sa i plé pa désèrtin : zot i trouv i sava pa asé vite, i sava pa asé loin édann zot kèr zot téi di : lèss lé jenn fèr é zot va oir komann bann jenn i koné amen n la pyèss. Didier Robert i yem pa bann moun rézonab li-pétète pars li sré plito in pé rézodyab !-an touléka li la nyabou glissa li dann fotèye lo mèr Tampon konm sète-la téi dépans pa asé li la pouss dsi l’injéksyon é kan li la sort laba ébin la kèss téi fé pityé mi di azot.

La pankor fini-la suit lo proshin niméro