Mézami i diré kan kréol i sote la mèr, é kan li rotourne o péi, sé konm li la éfass inn-dé paz dann zot liv la vi. Sé konmsa k’in zour néna in kréol i oi in pyé piman é li fé l’intéréssan. Li di késkéssé so péti frui rouz ? Li kass inn, épi li mète dann son boush..I doz ali biensir é li kriye « Oté ! kite ta mèr piman ! »

In pé i di sa galman avèk tomate, solon mwin sa i vé dir kan wi kite in pé oute milyé normal, wala ké wi pran aou in pé dsi la otèr. Lé normal, mé vitman vitman la réalité i ratrape aou é i mète aou bien konm k’i fo.

Alé ! Mi kite azot rofléshir la dsi é ni rotrouv pli dvan, sipétadyé.

Justin