Matante zélida la ékrir Justin :
Mon shèr nové, mon spès salté,
Alors koméla, na pi d’libèrté boir in pti nafèr. Si la loi i trap aou, ou lé riskab gingn in prosé vèrbal : sé sak l’ariv in karantène shofèr déssi la rout : daoir zot la fété an famiy, épi kan zot la rotourn z’ot kaz, la loi la karsèr azot... Aou, méssié lo moralist, ou i trouv sa bien ou ? Pars pétète, out papa, mon défin frèr, té i boir pa ? Konbien n’foi la parti rod ali lèr li lété an luil. Moin pèrsonèl, mi trouv bien boir in pé, sirtou si lé avèk modérassion, sirtou si ou i travay pou gingn out larzan.

Justin la réponn aèl :
Mon vié matante,
Mi konpran aou in pé. Lé vré, dann tan, in kou d’sèk té i fé pa d’tor kan ou la tié out kor dann kann. Mé, mi fé romark aou, modérassion-la, sa in n’afèr rar ! Bann rakié i komans an pti épi apré i fors tro d’si. Byinto, la lang i peuz, épi i divag. Parl pi l’ kozman : kan in moun lé sou, li vien insinifian ! Épi, kan ou nana in loto dan la min, sa lé pli for k’lé zarm sa ! Ou la pankor konpri, ou la fine tié d’moun épi ou mèm, ou la fine kalbite dan la kivète ! Akoz matante, konm Madoré té i di : « Kan lo ronm lé dann boutèy, li bouz pa vréman, mé kan li la rant anndan, li la pi parèy ». Alors, m’a dir aou : de lo, sa in bon boison ossi sa ! Fransh vérité !

Justin