Médame zé méssyé, la sossyété, koze èk mwin sé koze èk in kouyon mé sé o pyé d’lo mir k’i oi lo masson.

Mézami, mi panss kozman-la sa zot konm mwin ni koné dopi in bon koupe de tan é mwin lé sir ankor zordi bande pti marmaye pa pli o ké troi pome-konm i di – i koné déza kozman-la.

Mé kossa sa i vé dir oziss : pou mwin sa i vé dire si néna pwin pèrsone pou fé réspèkt lord, dézorde i règn an mètr… Sa i fé panss amwin kan nou téi sava lékol é ké lo mètr téi i sorte in kou pars li l’avé in n’afèr pou fère.

Toutsuite in gro dézorde… é kan lo mètre i ariv, lord i rovien konm si l’avé arien s’passé.

Alé ! Mi kite azot rofléshi la dsi é ni artrouv pli d’van. Sipétadyé.

Justin