Médame, zé Méssyé, la sossyété, koze èk mwin sé koze èk in kouyon, mé sé o pyé d’lo mir k’i oi lo masson.

Mézami, zot i koné issi la Rényon, in boushé manjé sa i rofize pa in moune. Dann toute péi la konète la fain mi panss lé konmsa : promyé traka in momon kan li sone son zanfan, sé konète si li la manzé é kossa li la manzé…

Mi rapèl in zour mwin la shanj kaze é dann la famiye néna d’moune i koné koman i fé pou rante dann in kaz : i rante pa konmsa sansa ou lé pa fini avèk l’annuiman. In vyé madame, zordi la fine pass l’ote koté la di : kan sar apré manzé, in moune v’arivé. Done ali in boushé manzé, li va protèj azot apré. Mi koné pa si sé lo azar sansa non mé sak èl la di l’arivé, in moune l’ariv l’èr manzé é la done ali manzé konm lansiene l’avé di. Té in bon prézaz ? Té lo azar ? Mi koné pa oziss, mé mi di azot sa pou lo ka ou é mi invite azot pou rofléshi la-dsi.

Alé ! Ni artrouv pli d’van, sipétadyé.