Oté

« Kan ou i koné pa ousa ou i sava, rogard bien ousa ou i sort »

In kozman pou la rout

Justin / 1 zwiyé 2020

JPEG - 43.6 ko

Médam zé Mésyé, la sosyété, koz èk moin sé koz èk in kouyon, mé sé o pyé d’lo mir k’i oi lo mason. Mézami, konm zot i pé kalkilé, sa in provèrb i sort l’afrik. Défoi ou i antann sak moin la mark an-o la, défoi i di aou : « Rotourn dann out vilaz épi kalkil domin. » Souvan défoi, moin pèrsonèl, kan moin lé in pé pèrdi, moin la touzour in pansé pou l’tan d’avan-é mi pans, pé s’fèr sa i klèr mon shomin-pou konète ousa mi sava, kosa mi s’a fé, dann mon domin plito ké désid sak mi vé fé san rokil. Lo rokil sé sak i pèrmète amoin prann in désizyon pou lo prézan épi pou l’avnir-mi diré in bon l’aplikasyon kozman mi anparl zordi. Alé ! Mi kite azot rofléshi la dsi ni artrouv pli d’van. Sipétadyé.