Mézami kozman-la sé kaziman in kozman zilé zone sansa kozman kréol i di toultan é i di partou. Lé vré, mwin la romarké souvan défoi la bank néna in produi pou vande aou, avèk a la klé zintéré vèye pa koman.. Kaziman l’or an bare. Tazantan lo produi lé tamande – li fé pa gingn aou arien. Tazantan li fé pèrde aou oute larzan sinploman.

La bank konm zot i koné sa in bransh kapitalist é son parol lé bien kalkilé ; li va parl aou gagnan-gagnan mé finalman sa la pa pou bande ti-kolon li koze, li koze pou sak néna la monante pou vréman. Son krédo sé lo profi. Alé ! mi kite azot rofléshi la dsi é ni rotrouv pli d’van. Sipétadyé.