Dann mon kèr mi di, dann tout zafèr néna in bon avèk in mové koté é la plipar d’tan kan woi fé lé shoz san fé travaye out kok mi koné pa si wi oi lavantaz mélinkonvényan va signal aou vitman-vitman.

A propo d’réflékssion épi d’matyèr griz, i paré laba dan la franss bann tète de zèf la réini épi la fé in gran réflékssion. Sa téi porte dsi lo shofaz bann mézon épi bann zapartman. Biensir la pèz lo pour avèk lo kont épi la di : pou pa tro dépanss an shofaz i sava fèr in n’afèr inparab, i sa fé bann pyèss pou garde lèr sho kaptif. Donk la fé épi pou livèr lété pa tro mové.

Mé wala laba dan La franss néna plizyèr sézon mé néna in sézon kanikilèr é si dann livèr i karssèr lèr sho, parl pi dann lété kanikilèr pars la i gingn pi siporté bann tanpèratir i sava ziska karante dogré é demoune i soufèr pliss ki an fo. Mé la kanikil sa i fé in bon bout tan ké néna laba.alor pou kossa la désside in n’afèr konmsa ?

Solission ? Mi panss bann zékspèr va réini épi va trouv ankor in solission avèk son bon épi son mové koté : done delèr an été, Karssèr lo l’èr dann livèr ? mé koman i fé kékshoz konmsa. Ki vivra véra !

A bon antandèr salu !

Justin