Mézami, mi rapèl in zour - étan pti – konm mwin l’avé bien lir lékol, la métrèss la done amwin in liv lékritir té gro, déssin lété gayar, é lo zistoir la bote amwin. Sé listoir in marmaye i trouv in zèf dann la savane. In zèf pli gro k’in zèf zoi é li la ramass sa. Apré li la zoué ansanb é momandoné lo zèf la éklo é kossa la sorte anndan ? In dinozore.

Bien zantiye é konm li l’avé père son paran li la kashyète lo zanimo é avèk son nouvo kamarade li lété kontan fé toute sorte zé… Romarke bien noré pi sorte in monstré épi pétèté monstré la té riskab manze demoune. Mé rozman lété pa lo ka.

Mé kèl lésson mi tire dsi zistoir-la ? Sinploman sak lé marké an-o la é mi domande azot rofléshi la dsi é mi pans va done azot in bonpé zidé dsi noute yèr, noute zordi épi noute demin.

Alé ! Mi kite azot rofléshi la dsi é ni rotrouv pli dvan. Sipétadyé.

Justin