Mézami, si ni fé travaye in pé noute souvnir, ni oi touzour lo dovan d’kaze avèk zardin flère-dizon l’akèye lo vizitère – l’aryèr d’kaze avèk lo frui épi léguime-zétranzé i rante pa ladan – zanimo in pé pliss déyère ankor.

Mwin la zamé vi in zardin tro loin d’in kaze. Néna in rézon pou sa, sinploman ké li lé bien konmsa sansa konbien frui épi lguime i sava gaté, san konté la par lo ra dë pate lé kapabe rabssol pou li mèm lo méyèr si wi porte pa antanssyon.

Mé si ni mète do koté lo zardin, lo frui, lo léguime, la vi i amontre anou wi mète koté d’ou, pa tro loin, sak lé pli préssyé pou ou, sak wi konsidère konm lo pli inportan, sak i risk disparète si ou la bate lo zyé.

Mi di pa zot kossa, mé rantre nou zot i koné bien zot ossi kossa k’i konte lo pliss pou zot. Alé ! mi kite azot rofléshi la dsi é ni artrouv oli d’van. Sipétadyé.