Donk in soir nou — bann zétidyan rényoné — l’apré suiv zoinal parlé é sirtou sak i éspass laba dann Vietnam. Toudinkou ni oi in spèss montaz gro doi avèk in pti bato vietnamien épi in gran kroizèr-mi kroi k’sé sa !-amérikin. Lo pti apré atak lo gro d’apré sak lo zoinaliss i rakonte.

Lo gro i lèss pa fèr é lo pti i pran in kou d’rèss trankil. Toute in bann zétidyan réakssionèr i bate la min konmsi pou zot té la fin pou lo Vietnam di Nor… Ni sorte dann lo foiyé é in kamarad kominiss franssé, in leurazien, i ésplike anou sé la faz final la guèr k’i komanss. Noula pa konprann ali si tèlman nout kèr t égro mé son diskour la done an ou léspoir.

Aprésa la guèr la dir in paké d’moi. Nou l’antann parl bann soufranss lo pèp vietnamien. Nou la suiv dann zoinal-mèm dann témoignages — la guèr ziska k’in zour l’ariv sak zot i koné é mi rapèl bien kozman in kamarade téi di konmsa : Ti ash koup gro boi é nou l’avé touzour sa dan la tète ofiramézir k’ la guèr i déroul.

Sa i fé panss amwin koi ? Sa i fé panss amwin sak i ariv koméla dann Lamérik di sid é ankor in kou dan mon tète néna lo kozman : « Ti ash i koup gro boi ! ». Listoir i répète pa touzour mé in pé i obliye bann lesson listoir.

A bon antandèr salu.

Justin