Astèr si ni anparl bann kanar, ni koné néna kanar maskarin, kanar maniye, ébin in krokizé maskarin avèk mani sa i apèl in kanar batar. Mwin la touzour antann dir la vyann kanar batar sé lo méyèr vyann é bien sipèryèr la vyann Maniye.

In pé i di mèm in kanar batar sé in kanar plin la fyèrté par rapor in rass pir é pou inkroizé mi panss lo métissé sa néna in bon prézantassion, in grann fyèrté. Si tèlman in pé i di bann pli zoli fiye sé bann métissé é bann garsson métissé sé bann pli zoli garsson néna dsi la tèr. Mi koné bien mwin lé pa obzéktif dann in n’afèr konmsa, afors mi fé léloj lo métissaz

Mi arète tèr-la é mi invit azot pou roflèshi dsi bann mo konm sak mwin la ansèrv zordi é ni artrouv pli dvan sipétadyé.

Justin