Mézami kari d’kanar i manze avèk mayi d’ri épi gro poi ; sa lété vabté dann tan dannla kizine rényonèze. Mi panss zot toute i koné sa ! astèr si i domande azot kèl sé lo méyèr kanar pou fé in kari : lapa kanar maniye, la pa n on pli kanar maskarin, mé plito in kanrar téi apèl kan ar batar.

Donk kan ar kroizé m rante kèl rass ? Mwin pèrsonèl mi koné pa, sèl zafèr mi pé di sé sak mwin la di. Pou lo rèst mi koné pa si bande méyèr diksyonère va nyabou inform amwin. Dann somi lo mo, in liv Daniel Honoré, i prétan dir kanar batar sé lo rézilta d’in kroizman rante kanar Maniye épi kanar maskarin : mwin mi kroi pars lé pa possib amwin di in n’ote afèr.

Antouléka mi souvien mwin la vi kanar batar dann tan mwin té fine gingn mon konéssans : mi rapèl ali konm in kanar sandré, marshan kranèr, é avèk in bon vyande. Astèr biensir sa i paplike pa solman kanar, sa i aplik ossi l’moune i marsh fyère, léstoma bonbé, konm in kanar batar.

Alé ! Mi kite azot rofléshi la dsi é ni artrouv pli d’van. Sipétadyé.