Mézami mi rapèl étan pti mwin téi ékoute bann pli vyé kozé é dann zot kozman zot téi anparl touzour kanar batar pou fèr kissoi in kari, kissoi in sivé, kissoi in n’ote afèr. Kanar batar konm di mon granmèr, sa mèm i done lo méyèr kari é pou ma par mwin téi fé konfyanss mon granmèr Berthe.

Zamé kanar maskarin, osinonsa kanar Manille ou d’ote ankor, male sansa fémèl, zot i trape kanar batar ?.. Pou ma par mwi téi fé konfyanss bann zanssien pars banna l’avé pliss léspèryanss ke mwin.

Finalman mwin téi ékoute sak téi di, kroizé, mèm kanar kroizé, sa i bate toute é sa i vo pliss ké toute pirté d’rass.

Alé ! mi kite azot rofléshir la dsi é ni rotrouv pli d’van, sipétadyé.

Justin