Zot i koné nana plizyèr ras kanar La Rényon. Pou mon par mi koné kanar mani, kanar maskarin épi kanar batar, in kroizman rant inn é l’ot… mi pans ! Par kont mi koné pou manzé kanar batar lé pli vanté ké lé dé z’ot. Astèr ni pé dir osi vantar pars moin la déza antann mo-la dann sans « ékstra » – i pé oir sa dann liv Daniel Honoré, somi-lo-mo.

Mé vantar nana in n’ot sans, i vé dir shoviy gonflé, fyèr san rézon. Donk ni pé dir osi lo boug i pans li lé méyèr ké shokola lo méyèr donk la pa la modésti la fé touf ali. In pé i oi sa konm in konpliman pou lo métisaz.

Zot, kosa zot i anpans ? Arien ? Fé travay z’ot koko ! Fé bouy z’ot matyèr griz ! Zot va oir ké rant-rant ni pé z’ète dakor rantre nou.