Médam zé mésyé, la sosyété koz è k moin sé koz èk in kouyon, mé sé o pyé d’lo mir k’i oi lo vré mason. Mézami, sanm pou moin, kozman marké an-o la, i rosanm bien provèrb rényoné k’i di konmsa : « La vitèss néna son tan ». a i rapèl amoin ankor : « la pasyans i géri la gal. » Zot i oi a popré kosa sa i vé dir mé an parlann kann, koméla in bonpé lé an flèr.zot la romarké, mi éspèr… ébin a s’ki paré, kann i fé son sik dopi li la komans pousé épi donn in né ziska ké li fléri, mé kan li la fine fléri, i fo koup ali vite pars li anrishi pi an sik. Li pé done d’ot zafèr anplis konm lénèrji si i tir ali dann la bagass mé pou d’sik kann lé mir, son to d’sik lé maksimom donk i fo koupé. Alé ! Mi kite azot rofléshi la dsi é ni artrouv pli d’van. Sipétadyé.