Ankor inn ! Ankor dmoun noiyé ! Konbien ? Konm dabitid, va konète a pépré lo nonm kan la polis La Frans nora fini fé son lankèt. Akoz na poin papié, napoin arien... rienk demoun antassé dann in bato an boi, in bato i apèl sa in kwasa-kwasa. Bato I navig la nuit pou pa fé oir ali lo zour.

Lo 4 désanm, dan la nuite, in kok pistash dann in nuit é dann in mèr noir avèk in bonpé dmoun anndan. In bon pé dmoun i sort Anjouan pou alé Mayotte akoz i aral azot akoz zot i kroi sé lo sèl manièr pou sèy in pé viv konm domoun. La pèy shèr voiyaz-la akoz nana touzour in pé i fé z’ot bèr déssi la mizèr d’moun.

Bato la zandarmri La Frans i aspèr azot, konm in shassèr i avèy son zibié. Pli vif-pli trèt, a s’ki paré bann militèr lavé étinn z’ot far konmsa lo kwasa-kwasa i oi pa... Koupé an dé ! Kapoté bann moun zété dan la mèr. Kissa lotèr ?

Va fé in lankète mé an atandan, i antann pa kriyé, protésté, i antann pa kondané. L’ONU i okip pa sa ! Lo prézidan la Frans i sousié pa pou sa, bann gouvèrnman la COI non pli. Alor lo déstin banna i intérès pa pèrsone. Kisa épi kansa va niabou arète tousa krime-la ?

Justin