Oté, la done larzan. Sétaki l’ariv èk in takon bonb tipik, moustikèr, spiral po palank bann moustik. Lé bien, lé doss. Déza tan, mi di Justin. Soman, kansa demoun la DRASS va èd bann malad, okip zot moral, sak lé afébli, sak na pi kouraz, lé mavouz minm akoz maladi-là ?

Oté, demoun i koné pi kosa i fo fé. Kan zot la fine gingn Shikoungounya, ala pa i di azot dawar zot nana la ding, ousansa pétèt lèptospiroz, maladi lo ra. La pa doss tousala.
Zordi, bann Rénioné lé baloté rant shépi konbien’n maladi. Aforss, demoun i riskab baskil dan la foli.
La DRASS lavé romarké détroi té komanss rant an déprésion. Alor, kosa i pé fé ansanm po done kouraz bann Rénioné, èd azot afront la maladi, kalm zot doulèr ? N’ankor travay pou fé, é sé sirman pa larzan va sufi po aranz sa.

Justin