Kan dann zournal, dan la radio KOI, demoune plü prévoyan k’dot la di, i fo fé antansion, la maladi lé riskab rotourné, bann vaza la pa bouzé. Kan demoun téi grinn konm moush par la fot shikoungunia, bann vaza la pèrd la tèt, la fé bonbard lo péi avèk zinséktisid ninport lakèl pourvü ki tié lo moustik.

Kan demoune plï résponsab la di i fo ansèrv bann zinséktisid biolozik pou pa détrui la natïr, bann vaza la di : azot mem "tié sèt, blès katorz", lès azot bonbardé ! Kan demoun la komans di, lo bann produi i tié moush-a-mièl, i tié landormi, pti zoizo, i bril bann plant. Bann vaza la réponn i fo pa ménaz so bann zinsèk-la, i fo tié la ras.

Bann vaza la di kan tousa sar fini va fé in "bilan". Zordi i di, in bilan i kout tro lë voul, i kout tro shèr, ousa i sa tir larzan ? Tro for, sa lé ga ! Va fé konm si la pa ariv arien ? Kansa va sold lë kont so zafèr-la don ?

Justin