Médam zé méssyé, la sossyété, koz èk mwin sé koz èk in kouyon, mé sé o pyé d’lo mir k’i oi lo masson.

Mézami zot i koné kozman i di : « fé pak avan karem ». Mi sava pa èsplike azot sa ! Antouléka mwin mi tir konm lesson, karem i vien avan é pak i suiv par déyèr. Sé konmsa, dann tou lé ka, dann la rolijyon katolik. Lo tan d’karem sé lo tan d’karem, é aprésa lo tan pou pak i ariv. In tan pou la privassion épi in tan pou lo plézir.

Astèr kan in moune i di sak mwin la marke an-o la, sa lé konm in protèstassion, é sa i vé dir lo moune néna assé avèk bande privassion, é li lé préssé lo tan d’plézir i ariv in pé. Mé zot i koné souvan dé foi, sa sé in n’afèr k’i suiv pa noute volonté... Antouléka pou la plipar d’ moune atèr, konm i di sa.

Alé ! Mi kite azot rofléshi la dsi é ni artrouv pli d’van. Sipétadyé