Mézami dann tout rolijyon néna karèm kissoi karèm katolik, karèm tamoul, karem malgash, karèm mizilman osinonsa karèm afrikin sansa d’ote an kor. Mé pou kossa i fé karèm ? La plipar d’tan wi priv a ou d’kékshoz matèryèl pou ou gingn kékshoz doné par bondyé. Défoi sé in karèm de romèrsiman : par ébza kan ou néna in zanfan la tonb malade é ou la fé in promèss si i guéri. Antanssyon, sa lé sèryé sa é néna mèm i marsh dann fé pou sa.

Mwin pèrsonèl mi réspèk toute pars si in moune i fé sa li fé avèk son kèr ; épi son kroiyanss l’amour dann son bondyé épi son rolizyon, donk dsu so poinnvizé-la le moune lé réspéktab. A ! biensir karèm i dir pa 107 zané, pars sé in pèryod bien dir é wi sava pa tyé out kor ladan… antouléka pou la plipar d’moune.

Alé ! Mi kite azot rofléshi la dsi é mi souète in bon karème sak karèm i tarde pa pou komanssé. Ni artrouv pli d’van. Sipétadyé.

Justin