Zot i koné néna d’moune i yèm mélé dann in konvèrssassyon mèm si sa i rogarde pa zot. I pé di, lo moune i « mète son kiyèr sal dann marmite i kui pa pou li », mé i pé di galman « kan i koz èk boukané sossis i rèss pandiyé. »

Zordi mi majine in kozman i bote amwin bien é i pé ansèrv ali kan néna in shamélèr i rante san lotorizassion dann in konvèrssassyon i konssèrn pa li é sak i plé amwin avèk kozman-la sé ké mi koné ali dopi mwin la rante lékol donk dopi mwin néna mon konéssans.

Antanssyon ! Néna ankor d’ote mé zordi mi arète la, pars si mi di tro zot va konète konm nou téi di dann tan lontan ;

Alé ! Mi invite azot rofléshi la dsu é ni artrouv pli d’van. Sipétadyé.

Justin