In kozman pou la rout

« Kart rouz-kart noir ! In zé pou balyé larzan d’moune »

27 zwin, sanm Justin

Mézami, zot i koné fitintan dovan la gar, l’avé touzour in group malfézan téi instal azot avèk in zé d’kart rouz — kart noir. Sa téi fé lo ta épi téi guète zot viktime. Dann in promyé tan, si i trouv in moune krèdil, i done ali larzan pou zoué. Li gingn mé sa lé étidyé pour.

Pars kan i zoué pou d’vré wi gingn pi ou la. Néna in kart rouz épi dé kart noir é sa i voltiz min-an-min ziska ké wi fé out shoi. Wi mète out larzan épi ou lé fri pars lé pèrdi. La pa kart rouj i dévir sé kart noir é lo pèrdan sé ou.

I rèss ziss out zyé pou pléré.

Mwin la vi lo sénario inn-dé foi kan bann nénène i sort toush zot pti pèye é néna inn-dé i kite zot transpirassion sir plass é konm i di : késtyonn larzan, guète dann trou ! In foi mé pa dë, mé néna touzour inn sé son promyèr foi é i balyé son larzan.

A bon antandèr salu !

Justin

Padport

Signaler un contenu

Inn modékri, inn ti lavi, inn komantèr ?

Témoignages - 82e année

+ Lus


2026 Témoignages