In kozman pou la rout

« Kas kontour dann la lign droit. »

28 zanvié 2016, sanm Justin

Kontour osinonsa tournan sé la mèm shoz. Mé lé danzéré, kass kontour kan ou fish an lign droit, pars sa spé, ou i kalbite dann la kivète. Kisa i fé sa ? In moun an-romé pou komansé. Mé pa solman : sa i pé ariv désèrtin moun i oi tout z’afèr konpliké, olèrk oir lé shoz sinploman.

Pir ksa, si ou i di azot fé in n’afèr, li la pou tourn sa ; san ké, ni tète, konm in fason pou fé rogrète aou an avoir konfyé ali kékshoz. Zot i koné lo kozman : « Lé konpliké pou fèr sinp ! » ? Sa lé bien vré.

Kosa zot i anpans zot ? Arien ditou ? Fé travay z’ot koko ! Fé bouy z’ot matyèr griz ! Zot va oir ké, rant-rant, ni pé z’ète dakor, tazantan, rantre nou...


Signaler un contenu

Inn modékri, inn ti lavi, inn komantèr ?


Témoignages - 80e année


+ Lus