Kan dann i komine i kas-i briz, lé normal in mèr i fé antann son voi pou dir asé avèk sa, sirtou kan sé bann demoun lé pou rien dann in nafèr, I gingn lo shok. Sa lé normal, sa i fo, kan i kas- i briz bann magazin, kan i fatig lékonomi, épi lé riskab fé pèrd in pé dmoun z’ot travay, mète in bonpé dann linsékirité.
Mé soman si so mèr-la lé an plas dopi plis trantan é si li la pa gingn amélior la sitiasion. Pli pir, si tout demoun la touzour vi ali mal antouré par déssèrtin kaïd i okip z’ot tan pou mal fèr, tap démoun dann zéléksion, fé biznès malprop. Alors, la popilasion i pé dmann aèl si so-mèr-la, sé li k’i doi pran la parol, pou di sak i fo fé, pou azouté, koz konm in moun i mène movèz vi.
I tard pa nora zéléksion épi kisa sar lo bann propagand pou lo mèr : la pa bann biznès malprop, la pa bann batayèr d’ri, la pa bann moun i koné la ri ziliète dodi konm z’ot kaz shanjman d’èr ?..Sa toute demoun i oi sa, dépi lontan. Alors, mésié lo mèr Sintandré, i va pa ou kan ou donn losonn’moral. I va pa ou ditou ! Zan-Pol, ou lé mal plasé.
« I fo tostoshé lé voiyou ! » : ala koman in mèr i koz !

Justin